السلام عليكم اخي الكريم عله خير يارب
بدي تفسير هذه الحلمة لانها مهمة جدا وفيها رساله كل اهلي ينتظرو التفسير
بنت عمي رأت حلم عند الفجر كالتالي
شافت أبوها ( عمي المرحوم ) المتوفي أجا البيت و قاعد علي التخت الي موجود في دارهم وكان لابس بلوزة بيضة ديقة و صغيرة عليه قعدت بنت عمي قباله و حكى معها ان هو جاي مشان يسكر كل الديون الي عليهم و طلب منها انها تكتب كل الديون الي على اهلها ( أخوتها وكل من سكن البيت ) مشان يسدد الدين وقال انو معو مبلغ كبير من المال ليسكر هالديون و بعديها قلها في أمانة لازم توصليها لاخوي محمد ( بيطلع أبوي ) شلح البلوز البيضا و أعطاها إياها و قلها هادي البلوزة أخدتها منو كنت محتاجها و هلئ رجعيها لعمك محمد و معها ١٠٠ شيقل وشدد عليها اياكي تنسي و قلها أنا رح اروح و مارح ارجع يعني مشى في سبيله
قامت كفاح ( بنت عمي صاحبة الرؤية ) طلعت من الغرفة و لاقت اختي عبير حكت إلها شو صار و طلبت منها توصل الأمانة ١٠٠ شيقل لعمها ( أبوي ) واختي صارت تحكي بس هيك !!! بطريقة مو عاجبها و انتهى الحلم
اخي الكريم أنا في انتظار تفسير الحلم على احر من الجمر
و ان شاالله بتكون بالف خير
التعبير : هذه الرؤيا فيها بشارة وفيها سفر او هجرة الى مصر او بلد تتحسن فيه احوال الرائي كثيرا لكن بعد تعب وعمل كثير ثم تلحق به اسرته وتتحسن احوالكم المادية .. والله اعلم
تعبير المنام و تفسير الاحلام 
طيب لكن الرؤيا لا تعبر بهذا الشكل بمعنى انه لا يكون هناك تفسير لكل حركة ونما المعنى اجمالي
الميت عندما يراه الانسان قد يعبر بنفسه او احد ابنائه او بالرائي نفسه وكلام الميت يحمل رسالة وعمك قال خذوا قميص واعطوه الى اخى وهذه هي رسالة البشارة وتغير الحال .. لان القميص وهو ما يلبس يعبر على اربع اوجه :
ان كان به دم فهو كذبة
ان كان ممزق من الامام فهو فجور
ان كان ممزق من الخلف فهو فرية
ان كان مرسل الى احد فهو بشار وكل هذا من قصة يوسف (اذهبوا بقميصي هذا فالقوه على وجه ابي يرتد بصيرا وائتونى باهلكم اجمعين )
اما كون القميص ضيق فيدل على ضيق الحال واذا اجمالا هناك سفر ياتي منه الفرج وانتم الان في ضيق والفرج قريب
والله وحده اعلم
إعجابإعجاب
سبحان الله بس معلش و ماتاخزني افهم من تفسيرك ان حال عمي المرحوم بخير و ماعليه اشي
بس سؤال شو الهدف من البلوز البيضاء الي رجعها لابي و حكي انها لازم ترجع بطل محتاجها
و ماهو الهدف من إرجاع مال قيمة ١٠٠ شيكل هذه العملة الي نتعامل فيها .
سامحني علي سؤالي لكن لأطمئن و جزاك الله الف خير
إعجابإعجاب